Жоба «Қазақстандықтардың әл-ауқатын арттыруға бағытталған орнықты экономикалық өсу» ұлттық жобасы және Қазақстан Республикасында мұнай-химия өнеркәсібін дамытудың үкіметтік бағдарламасы шеңберінде іске асырылып жатыр.
Жоба стратегиялық инвестициялық жобалар тізіміне кіреді.
Жобаның мақсаты: ішкі және сыртқы нарықтарда өткізу үшін қуаты жылына 1 250 мың тонна ірі тонналық полиэтилен өндірісін құру.
Шикізат: шикізат ретінде ТШО кен орнынан газ пайдаланылады.
Жобаны іске асыру кезеңі: 2022-2028 жылдар
Жоба бумен крекинг (пиролиз) қондырғысын, этиленді полимерлеу қондырғыларын, этиленді полимерлеудің қосалқы лицензиялық қондырғысын және жалпы зауыттық шаруашылық объектілерін салуды көздейді.
Пиролиздің әртүрлі эксклюзивті лицензиарлары қарастырылады, мұндағы технологиялық процес – объектінің шекарасына шикізат ретінде келетін этан фракциясынан этилен алу. Полимерлеу бөлігінде өнімділігі жылына 625 мың тонна болатын екі технологиялық желісі бар конфигурация анықталды, мұнда полимерлеу арқылы пиролизден алынған этиленнен соңғы өнім алынады.
